( قــبـل الرحـــــيـل!!..)
أنا اللي أرضـى بالقصايد غــــــرورك
وخـلا كــــــــتابـاته تـداعـــب أنـوثتـْك
وانا اللي في قــربه هـناك وســـرورك
وانا الخشـون اللي احلمت به نعـومتـْك
وانا الســكـوت اللي بْهـدوءك يـزورك
وانا الكلام اللي حضر فـيك واسـكـتـْك
وانا اللي طـيفـه أرتســم وسْـط حورك
وخــياله ملازمْـك روحـتـْك!.. جـيّتـْك
وانا شـمـوسـك في اللــــيالي ونــورك
وانا سـهـر عــينك وسـهـدك ونومـتـْك
وانا اللــي بس اقـدر أعـدّي بحـــورك
من غير مخْشى ملح غيظك وموجتـْك
وانا أحاســيسـك وصادق شـــعــورك
وانا بياضك يالفـــتـونه وطــــــــيبتـْك
وانا اللي لامن رحــْت تذبل زهـورك
وانا اللي لامن جـيت تزْهر حديقــتـْك
وانا شــذى عـطـرك وغـالي بخورك
وانا مطـر أرضـك وبرقـك وغـيمتـْك
بتـْكابري!! ماتـْكابري!! ذي أمورك
بس الحـقـيقه بانت بهـمـس نظـــرتـْك
اليوم أبرحل عـنـْك! عـيشي دهورك
وبطـْلب لقـلـبي دنيةٍ غــــــــير دنيتـْك
عـجْـزت جسوري تلتقي مع جسورك
واخترت بعْدك عن شعوري وغيبتـْك
موتي في قلبي وأخـتفي في غـرورك
معـــاد يغـــــــريني دلعْـك أو أنـوثتـْك
11-15-08, 08:54 PM
قبل الرحيل 
المواضيع المتشابهه 
همسة بنت 
