تجهيزات العروس من طقطق لسلام عليكم يالله ياعرايس

[فـتـوشـه]

هيييييييييييييييييييييييييه انتي
ايه انتي
اصبري
لـــحد يـرد لحد مااخلص كل الموضوع
<<متحمسه بقووه ههههههههههههههه

[فـتـوشـه]

نبدأ للاشياء الاساسيه..الي تحتاجينها اول شهر قدام الناس
وطبعا كل مجتمع وعاداته..بس الاساس:
ليلة الزواج:
- فستان الزواج..
-اندروير خاص..وطبعا السوتيان يفضل تكون سيوره بلاستيك شفاف
وافضل نوع الي ممكن تبدلين سيوره
وراح احكي بعدين عن انواع الاندروير الي تحتاجينه..
-جزمه وانصحك ماتاخذين كعب عالي مرره عشان تمشين براحه بالزفه ولايلاحظ فرق الطول اذا فصختي الكعب..
-المسكه ولو بتصورين قبل او بتستخدمينها مره ثانيه افضل نوع الكريستال بدل الورد..
- بودره او كريم لمعه ..هذا توزعينه على جسمك كله لما توصلين الفندق
لان الكوافير ماراح تغطي كل جسمك باللمعه ..بس انتبهي للكريم اللمعه احيان تكون لمعته على بيج فلما تحطينه على الجسم يعطيك لون برونزي متناقض مع المكياج..
-اكسسواراتك ويفضل تلبسين الشبكه حقتك لانك ماراح تلبسينها بعدها..
-عدسات اذا حبيتي <<طبعا افضل للمكياج بالف مرره..
-مناكير احمر وجربي عدة الوان لان الوان المشاغل ماتعجبني ومو دايم عندهم درجات كثير ولازم تجربين اي درجه من الاحمر تناسبك..
-قميص النوم + جزمه خاصه فيه ..
-عطر..
-سبراي للشعر هذا يخفف من اثار السبراي المثبت ويزيله شوي على قولهم يهجده ههههههههه ..تلقينه عند الصيدليات او محلات المكياج اسمه "سيروم" او "كرستال" وتختلف الانواع بس لاتاخذين الي على كريم ثقيل خذي البخاخ..
-كريم لازالة المكياج..
-مكياج خفيف (روج ناعم وبلاشر)

وخذي هالاشياء احتياط لاي ظرف يصير
ممكن ينقطع سير الفستان..نخرب حاجه
تنفك خصله من شعرك
-مشبك ملابس صغير وكبير
-بنس صغيره للشعر
-خيط+ابره
-استشوار
-بخاخ مثبت للشعر







اغراض تحتاجينها اول ماتصحين:
-شامبو واغراض الشور+ ديودرانت (مزيل عرق)..
-نصيحه لانه مايمديك الوقت خذي جل يجعد الشعر وخليه ويفي
لانو صعبه تستشورين شعرك بالفندق..


بكرى الصباح:
-بيجاما مع الروب تبعها للصباح اول ماتصحين..
اول ماتخلصين فطور تلبسين
- فستان ناعم واندروير نفس اللون..
-فستان مو ناعم يميل للسهره اكثر من البيت هذا بالليل قبل وقت النوم
ولاتنسي انتي عروس لازم يكون لبسك حتى عنده سهره بس ناااااعم..

نجي الحين للزواره..العزيمه الي يسونها اهل الزوج للعروس سواء بعد يوم او شهر:
-فستان فخم..
-جزمه-
-شنطه
-اكسسوار
-مكياج ناعم ومناكير بالشنطه تحسبا للظروف..
وافضل حاجه حبيتها
انك ماتسوي زواج
ولما تجي الزواره تنزفين بفستان زواجك بعدين تطلعين تغيرين وتنزلين بفستان الزواره..

وبكذا نكون انتهينا من اهم اغراض لاول ايام العروس..

[فـتـوشـه]

طيب الحين نجي لاغراض الزواج عموما بعد مافصلت اول الايام:


الفساتين:
-فستان الزواج..
-فستان الملكه اذا فيه از الزواره..
-فستان فخم لانه مؤكد راح تعزمين على مناسبه وحتى ان كانت مو خاصه فيك انتي عروس بنفس الوقت والانظار عليك..
-فستان سهره بسيط ونااااااااااااااااااااااااااااعم.. راح تستفيدين منه على مرور الوقت..
-تيور هادي..




الجزم+ الشنط:
اكبر غلط انك تشترين شنطه مخصصه لفستان
لا
اشتري شنطه+ جزمه بالوان حياديه واساسيه وراح تستفيدين منها العمر كله..
للسهره:
-ذهبي-فضي-اسود-احمر..
للعزايم والمناسبات العاديه:
اسود-ابيض-بني او بيج- شنطه مكس<<تجمع كل الالوان بشكل هادي..
للسوق:
سوداء-بيضاء وتكون عمليه جدا بعيدا عن الزينه..
وبرضو تحتاجين جزمه سبور مريحه سواء للسفر او طلعات السوق والمجمعات ...الخ..





الاكسسوارات:
-دبلة الماس فخمه+ساعه للسهره والمناسبات..
-طقم ناعم اووو خروص (حلق اذان ) الماس فخم وطويل برضو للسهره..
-دبله عاديه ..الماس هادي او زيركون..للاستخدام اليومي..
-تعليقه (سلسال) ناعم للاستخدام اليومي والمناسبات البسيطه..
-اكسسورات بيت ناعمه:
وانصحك بمحل اكسسورايز
تحتاجين :
-خرص (حلق) ناعم للبيت عند زوجك..
-اكسسوارات شعر (الورد حقهم مرره حلو مع قمصان النوم) ستايل جنااان..
-خلخال<<يحبونه الرجال..








نجي لقمصان النوم وهذي مهممممممه:
-اول شهر:
لازم تكون طويله ومعاها روب ونصيحتي خذي الروب منفصل..
-قميص ابيض او سكري طويل لاول يوم..
-قميص لثاني يوم + الروب..
-قميص لثالث يوم يفضل لون نقيض وهادي (سماوي هااادي (البحري))
وبعدها البسي بدون روب
وخذيها مني ماتحتاجين اكثر من 3 قمصان لاول اسبوع لانه مايفرق فيها كثير
وبعدها تقدرين تستخدمينها بدون روب..
-قميصين قصيره بس مو مرره..
-بيجاما حرير حلووه..
ونصيييييحه لاتشتري اكثر لحد ماتعرفي ذوقه هو
بعدها اطلعي معاه واشتروا..








ملابس البيت:
الاساسيات:
- بنطلون جينز (فاتح + غامق)
-بنطلون ابيض..
-شورت جينز+تنوره قصيره..
هذي اساس كل لبسك..
بعدها خذي درزن بديات
وافضل تاخذين بديات مو غاليه مرره وتنوعين يوميا بدال البيجاما
وانتبهي تاخذين الوان غامقه
خليها كلها فاتحه وصاااااااااااااارخه (اورنج-فوشي-تركواز.....)
-3 فساتين بالكثير وخليها ضيقه ودوري الموديل الي يناسبك..

[فـتـوشـه]

نكمل ياسكرااااات..!!
طيب باقي علينا اشياء بسيطه بس مهممممممه..



المكياج:
-المكياج عموما:
-لمعه تخلط مع الاساس للسهرات..
-كريم اساس خفيف لاتاخذين ثقيل..
-بودره حره لاتاخذي مضغوطه مو كويسه..
-بلاشر (حمرة خدود) وافضل شي تاخذي العلبه المتدرجه الي تبدأ من الخوخي لحد الاحمر عشان تختاري التدرج الي يناسبك..
-روج وخذي 3 الوان اساسيه ممكن تتخفف (احمر-وردي-بني)
-جلوس (ملمع شفايف) بلون حيادي شفاف يمشي مع كل الارواج..
-علبة شادو (ظل).. وبامكانك تاخذي علب صغيره والوانها اساسيه..
-ماسكارا
-كحل (اسود-ازرق فاتح)
-لمعه لؤلؤيه تحت الحاجب<<تغير مكياج العين 180 درجه للاحلى..
-فرش مكياج
(فرشه كبيره لتوزيع البودره على الوجه-فرشه وسط للبلاشر-فرش صغيره للمحدد والروج)
-سبراي مثبت للمكياج..
وبسس

شنط المكياج:
-شنطه كبيره تحفظين فيها كل مكياجك مع ان الافضل يوضع بالثلاجه..
-شنطه صغيره تحطين فيها الاساسيات ودائما معاك ويفضل لونها ابيض عشان تمشي مع كل الشنط..



استخدامات رووعه تغنيك عن بعض القطع الي مالها داعي:
-علبة الظل :
بامكانك عن طريق استخدامها
تستغنين عن البلاشر + الروج للمناسبات
بس عليك انك تبللي الفرشه بشوية مويه وتستخدميها للروج
هذا يضمنلك يبقى على شفايفك ساعات اطول ويعطيك الدرجه الي تحبينها
وللبلاشر استخدمي فرشه عريضه حطيها على الطل وانفضيها يطيح الزايد
وابتسمي وحطيها على خدودك وانتي تبتسمين..




وانصحك من كل قلبي تاخذي دورة مكياج قبل زواجك..

[فـتـوشـه]

مليتوا..تعبتوا..
ههههههههههههه
خلاص هاااااااااااااانت
هذي اااااااااااااااخر الاشياء..
هذي عدة اغراض مهمه وتحتاجينها حبيت اذكركم فيها..
نبدا؟؟!..!!



-للبشره:
لازم تعتنين ببشرتك وتعودي قبل ماتنامين تحطين كريم مرطب للبشره وللعين..
-كريم بشره<<<افضل شي جربته للان يولاي للعنايه الليليه..
-كريم عيون<<ميزته 2*1 مبيض تحت الحين ومرطب (وايت بيرفكت) صغير ولونه ازرق







للشعر:
-استشوار شعر..
-كريم..




للجسم:
الة ازالة الشعر....براون كويسه..
او
حلاوة شعر..
-كريم جسم<<<اروع شي نعوووومه وريحه مووووت (زبدة االجسم من بودي شوب) واختاري الريحه الي تعجبك
وحطي في بالك راح ترتبط في خياله ريحتك دائما يعني خليها ريحتك المميزه دائما..





عطور:
- تحتاجين عطرين رسمي وقوي للمناسبات- هادي مرره للبيت..
-دهن عود او مخلط..<<انصحك بـ (كشخه من العربيه للعود) خفيف لوحده وناعم ورشي فوقه اي عطر ويطلع وااااااااااااو..



-الـويز...لانه حطي في بالك انك اول الايام مرررره بتستحين مرره وماراح تقدرين تطلبين منه
خذي (عاديه-للاستخدام اليومي "carefree")


-كمادة ماء حار اذا كنتي من النوع الي يتعب وقت الدوره..


-الحجر الي تـفركي فيه الرجل..



وبثثثث
لو تذكرت اكيييييد راجعتلكم فيها