سمي جده--- بدر فيصل الرياحي

[احلى وردة]

الشاعر بدر فيصل الرياحي ابن الشاعر فيصل الرياحي رحمه الله ، هذه قصيدة سمي جده كلمات وآداء/بدر بن فيصل الرياحي مرثيه وتوجد في والده رحمه الله

الحمد لك والشكـر ياخالقـي جلـه
يامن بحكمتـك تمنعنـا وتعطينـا
يوم السعد بان في وقته وفي حلـه
يوم(ن) جلى همنا اللي كان طاوينا
يامرحبـا ياسمـي ابويـه وظلـه
يامرحبا عقب مابطيـت وتحرينـا
يافيصل انته سمي الجدك ارضا لـه
اللـي بيبطـي غيابـه مثـر فينـا
كم كان شفي يشوفك مير مامهلـه
الواحد اللي تحت حكمـه تساوينـا
ياليتني ياسميـه رحـت فـدو لـه
ياليتنا فـي محلـه والعـزاء فينـا
ويهون قبـر علـي العالـم تهلـه
ويهون عمر(ن) بقى من دون غالينا
ماكل كسر مثـل كسـري ولا بلـه
لو جاتني افواج خلـق الله باكينـا
لو صاحت ام الوشام بصوتها جلـه
لو عدو اهل القصايد كـل اسامينـا
لكن يابوك هذا علمـي افطـن لـه
لاتدرج في الذرى والوقـت قافينـا
منتا بخبل تشوف الـدرب وتزلـه
حيث ان مجناك مـن روس الميامينـا
خلك على هقوتي والـدرب تندلـه
ياللي غلاك يتمشى فـي الشراينـا
وانا لي الله وهـذا طبعـي اجبلـه
ماشكي لغيره ولو صكاتهـا دينـا
عساه يلطـف بعبـدٍ حالـه معلـه
يرجي ثوابه ولا يخرج عن الدينـا
اوما على كسري ببطي وانا شلـه
لو نسِيت النـاس ماحنـا بناسينـا
ياكسري اللي بيبطي ماجبـر خلـه
لوجالي أمن العيال الصلب تسعينـا

سمي جده بدر فيصل الرياحي

[نــبــا]