المشكس اول مرة في المشتشفى

[رياح عاصفه]

هذا البياض الي على البشر سامي* سبحان رحمن خالق بشرها
لو هي بس ترد علينا السلامي * يمكن جميع الناس تتبع اثرها

السلام عليكم
كيف حالكم ياحبيبيني >> للشباب فقط
>> البنات طسو
<< خايف يتسطر هع
ادري بتقولون هالحين وش عنده ذا الولد كل عشرة ايام سادحلنا موضوع كبر خشم عبادي بس ارجع واقولكم انا فاضي.. وفاضي ما وراي شي غير اني اسدحلكم يومياتي فيذا ..

طبعا كما هو متعارف عليه كل بدايه ولها نهايه .. وكل نهايه ولها بدايه
<< وكل تبن ولاتسوي فاهم اصرفلك
لذلك فإن الشخص الطبيعي ينولد تحت اثار فسيولوجيه تنم على طبيعه الشخص ربما يكون هادئ وربما يكون عصبي وربما يكون عاقل وربما داشر وربما وربما وربما ..
أما أنا فإن طبيعيتي منذ الطفوله لم تنم على ذلك البته .. بل تنم على ثوارهـ ودلاخه وعدم احساسي بطفولتي الكامله ..

من يوم اني في ظهر ابوي كنت احس اني دلخ .. الناس تقعد في الفقره الرابعه من العمود الفقري وانا جالس في الحوض ابي ادحدر على الدنيا بسرعه وهذا اكبر دليل ثاني يدل على اني ماش ولد مضروب
7
7
7
7
7
7
7
7
7
المقدمــة








~ الموضــوع ~ :-
في يومن من الايام الذي يصاحبه أشعة الشمس وصياح عبادي الدفش اسمعه من الدريشه وهو يحاول يخرب ورع جارنا ويخليه يشرب تتن .. طمرت من السرير ولبست خلاقيني ( خلاقيني = ملابسي . وسميت خلاقين لردائة الصنع وبخس ثمنها ) وطمرت ابحث عن عيادة .. والحمدلله وجدت ما ابحث عنه

رفست باب الدكتور مدحت للامراض النفسية واروح للاستقبال وانا متهيض والقى ذيك الموضفه المزيونه اللي قاعده تكلم .. والله العالم انها قاعده تاخذ مواعيد قليلة الحيا
<< طول عمره يفهم غلط

واوقف قدامها ومن قوة التناحة كتفت يديني لدرجة اني رصيت بطني الين بغت تطلع عيوني .. كل هذا من قوة الادب والاحترام فيني

اول مرة احس اني مؤدب واكتشفت ان هالصفة ماتطلع الا اذا شفت وحده حلوه ..
وقاعد اطالع يديها وهي ماسكة السماعه وبحركة لا شعوريه مديت يديني الثنتين على الرخام وحاطها جنب بعض واعطي ليديني نظرة مقطعية ثم اناظر يديها وقلت بصوت عالي مع تنهيدهـ خااااثرة (( ولله في خلقة شؤون ))

سمعتني وعطتني ابتسامه وفهمت معناها ( انك ياليت تاكل تبن الين ما اخلص مكالمه ولا تتميلح ) .. والله واكلت تبن الين ما قضت وقالت : أي خدمه ؟ ..
قلت : يا مضيفه ( الله من زين الاسلوب بعد ) انا عندي موعد مع دكتوركم الملحوس ..
قالت : عندك موعد اليوم ؟ .. قلت : لا عندي موعد بكره بس اني فاضي الحين وقلت امر اسلم عليكم واشوف وش ناقصكم ووش موناقصكم ؟ ..
ردت علي بنبرة عصبية : تستهبل انت ؟ .. رصيت التكتيفه حقت يديني الين ما انكسر ضلع بصدري .. وقلت : شايفتني كبرك ولا اعرفك يوم استهبل معك .. انتي اللي ماتعرفين تسألين يعني انا جاي اليوم اكيد عندي موعد اليوم يعني هقوتك يا مضيفه (( ماسكه على مضيفه )) هقوتك بجيكم فضاوة ؟؟ ما فيه ملاحيس غيري يعني !!

قاطعتني خلاص خلاص وش اسمك ؟ .. قلت : مشاكس .. قالت : اسم الاب ؟ .. قلت : والله يا وخيتي اني مدري !! .. قالت : انت تستهبل ولا تستهبل ؟ ( اعجبتني تستهبل ولا تستهبل ) ..
قلت : لا تستهبل الثانيه موب الاولى انا اصلا ماجابني هنا الا هالسؤال من هو ابوي ؟ ..
قالت : الظاهر ما منك فايده انتظر الين انادي على اسمك قلت طيب ..

وجلست قبالها في الانتظار واناظر هاللي ينتظرون دورهم ومتنح قاعد اقرا جريده حقت قبل اربع سنين منطوله على الطاوله مادريت الا هي تقول : مشاكسوه انت هذي اول زيارة لك ؟ .. قلت : أي والله .. قالت : أها اوكي .. قلت : كانك معجبه فيني ترا اجي كل يوم عادي .. قالت : انطم ولايكثر

بعدها بعشر دقايق نادت علي وقالت الدكتور مدحت في انتظارك .. دخلت ادربي راسي سلمت على الدكتور ومشا قدامي والتفت علي وقال : اسمك ايه ؟ .. قلت : مشاكس يا افندم ..
رد وهو يشيل الاوراق على الكنبه عاشت الاسامي يا مشاكس ..
توهقت قلت : الله يعيشك في اطلق مطعم يا دكتور .. وعطاني ابتسامه مثل ابتسامة المضيفه اللي فيما معناها ( كل تبن ولا تتميلح )

وعطاني نظرة وقال انسدح يا مربط على الكنبه !! .. قلت : اهاااا بس كانك ناوي شر انت اللي انسدح

قال : مالك فيه ايه يا مشاكس؟ ..
قلت : وش اللي انسدح هذا وانا جاي اتعالج عندك تقولي انسدح يلعن ام اخلاقك يا دكتور قسم بالله توني اعرف انك وسخ وقليل حيا وملعون جدف يا بن الكلب ما عندك اخوان انت ؟ !! هاه .. ما عندك اخوان تخاف احد يقولهم زي ما قلت لي ؟
قال : وهوا انتا اول مره بتخش على طبيب نفساني ؟ .. رديت وانا احس اني شرفي بيضيع في أي لحظه : ايه ..
قعد يضحك الغبي وقال : ماتخفش يابني دنا مش حعملك حاقه دنا عاوزك تستريح على الكنبه ديت وتقلس ترتاح و كل حاقه انتا عاوز تؤلها عشان احل لك مشكلتك ..

حسيت بالامان وفصخت ثوبي وعلقته وناظرت بالدكتور .. وقال : فيك ايه يابني هو انتا بتخلع ملابسك ليه ؟ ..
قلت : يعني انسدح بدون خلع ؟ ..
قال : ااه الوضع عادي قدا قدا ..
انسدحت على ظهري وشبكت يديني الثنتين مع بعض عند نص بطني بالتحديد وسألني : يا بني عاوزك تحكيلي انتا فيك ايه بالزبط ؟ من طأ طأ للسلامو عليكو ..

خنقتني العبرة وطاحت دمعه قلت انا ولد مين يا دكتور ؟؟ .. وانفجرت وطحت على الارض من قوة الصياح وانسدحت على بطني وقاعد اخبط بيديني وارفع رجولي واخبط بها طلع شكلي مألوف جداً .. قال : يا بني انتا ابن مماك وبباك ..
قلت : يابن الحلال يا افندم لاتقعد تقرقر وانت مانتب فاهم وش السالفه .. يا دكتور يا افندم ( يا شيني اذا نشبت بكلمة ) انا ما أشبه امي وابوي ولا اشبه اخواني

كل اخواني يا دكتور نحيفين وطوال الا انا الوحيد الدب بينهم وشكلي قزم كني ذيك البطه السودا وكل اخوانها بيض لدرجة يا دكتور ان عيال الجيران يوم اني صغير يحسبوني ولد الشغاله جاي معها من الفلبين مادروا اني من اهل البيت وانام في غرفه لحالي ( اقصى طموحه ) .. يا دكتور مره يوم كنت صغير تطاقيت انا واخوي اللي اكبر مني عشان شي تافه .. كنت سارقنّ سندويشته ولعن والديني ويوم خلص قال : تراك منتب اخونا يابن الكلب وترانا لاقينك عند زباله بكرتون .. وهالكلمة يا دكتور الى الحين وهي تقرقع بقلبي واحس صدق اني منيب ولد امي وابوي وان هذولي موب اخواني

خنقته العبره الدكتور وقام لمكتبه كنه بياخذ ورقه من الدرج ونزل راسه ومسح عيونه وجاني .. قال : بوص يابني مشكلتك صعبه أوي مافيش حاقه تسبت ان اهلك مش اهلك !! ..
قلت : طيب واللحين الحل يا دكتور ؟ .. قال : ازهلها وعندي ليك خطه ماتخرش الميه ..
قلت : هات يا بطل ..
قال : شووف لازم ترقع للبيت وتكتب بورقه بالكمبيوطر بالصيغه ديت ( انا عارف اني مانيب ولدكم يا ليت تعترفون بسرعه ) وحطها في محفظة بباك بتاعت الفلوس وازا قا في الليل اقلس عند باب الغرفه واسمع امك وابوك بيئولو ايه ..
وهو يتكلم قاعد اهوجس انا في الخطه مادريت الا سطرني على وجهي وقطع حبل افكاري وطاح مع الحبل اربع فنايل وثلاث سراويل والسماط حق الغدا ..
وقلت : وراك تطق ؟ .. قال : يبني انا بتكلم معك وانتا مش واخد بالك ..
قلت : واخد بالي ونص وخلاص بطبقها .. متى اجيك يا دكتور ؟ ..
قال : نفس موعدنا النهار ده بس الاسبوع القاي .. قلت : ابشر يا دكتور ..
وجيت اطلع والتفت للدكتور قلت : ان كان فيه خلع الاسبوع الجاي علمني عشان اتروش قبل لا اجيك .. تفل بوجهي وقال : قتك نيله يا معفن .. قهقهت ضحكاً .. طلعت من غرفته ومريت جنب المضيفه حقت الاستقبال واقولها عن موعدي الاسبوع الجاي ومن الحماس طقيت تكتيفتي ومن قوة الضغط على بطني احس اني سويت شي موب زين وطلعت من العياده ورحت للبيت

رجعت للبيت وحطيت الورقه في محفظة الشايب ويوم جات الساعه عشر بالليل قلت بلا اسمع من عند الباب بلا قلق .. وادخل للغرفة ابوي واتربع ورى التسريحه ولتغطى ببطانية عشان ما يكتشفون أمري .. وجلست الين مادخلت امي ثم ابوي وراها ويخبط بالباب ..
قال : هالحمار شكله حس ان مكانه موب هنا وشكله قفطنا يا حرمه !!
عفطت خشتها امي وتفلت قطعه من ديرمتها وقالت : يا رجال وانا اللي قايلت لك تنام مع الايرانية مريم تحسبها انا ؟ ..
قال : يا بنت الحلال يوم كنا هناك اليوم بجده في شقتنا وانتي جايبه الايرانية مريم تنظف وطالعه تعتمرين .. كنت تعبان بالحيل ونمت .. وانتي رجعتي ونمتي في الصاله ومادريت اني نايم مع مريم الا يوم طبيتي انتي علينا الشوف شجر يا مره .. وهالايرانية استغلت الوضوع وقالت : تتزوجني ولا جب لي سكن حولكم بجدة ولا المدينة .. وهذاني جبت لها سكن ملعونة الخيّر في المدينة ابيها تسكت ما دريت الابعد 9 شهور جابت لي قطعة قطنة بيضاء في سرير واقعد اقوولب فيه طلع هالقطنة ولدي وتوهقت فيه وانتي ما قصرتي واعترفتي فيه .. وش اسوي فيه الحين اقوله ولا نخليه على ما هو ونقعد نهبل فيه ولا نرجعه عند امه ولا وش اسوي فيه ؟

تخيلوووو .. كل هالكلام صار قدامي وانا متربع قبالهم وهم ما طقو لي خبر وطاحت دمعتي على خدي وفتحت فمي وحطيت يدي على فمي واليد الثانيه على بطني وكني بستفرغ مدري شلون يا ناس انا انسان حساس وعندي قلب بغت تتقطع شرايينه.. حسيت بالضياع والشتات بهذه اللحظات .. حسيت ان ودي اذبح عبادي واقوله كله بسببك ..
ويوم شفتهم نايمين طلعت بشويش ورحت لغرفتي وجهزت شنطتي وقلت : اسكن عند امي الاصليه مريم واعيش معها وناكل مع بعض عشان يصير بيننا عيش وفلة حجاج وخلصت من ضفة العفش
وانسدحت على سريري وجبت طاسه وعبيتها مويه وحطيت فيها سفينة ورقية وقعدت ألعب فيها يمين ويسار ويمين وقعدت اهوجس وقلت : يا ولد لاتصير مطفوق وتروح على طول اقعد اسبوع الين يجي موعد الدكتور وشف وش بيقولك ثم سو اللي بيقوله لك ..

والله وارجع عفشي وانسدحت ثاني مره وقعدت اهوجس الين ما جيّم مخي ما قدر يستوعب شي ونمت

صحيت من النوم الا هم متجمعين بالدور الارضي ينتظرون الفطور وانزل لهم حسيت رجولي تسبقني قلت حلووووو يا الفهاووه انزل وشخبط على اهلك ..
دخلت عليهم ولقيتهم قاعدين ينتظرون الفطور واجي جنب ابوي واقوله : تصدق انك حلو يا اخي ليه ما طلعت اشبه لك .. شكلك ماخذ امي غصب
ناظرني وقال : انطم خلني اقرا الجريده
والتفت على اخواني جالسين قدامي صفه والتفت على ابوي قلت : بالله ذي اشكال تدخلها البيت .. شف شلون جالسين كنهم حيطه في مبارة وديه لا وكلهم لونهم أبيض يا يبه (( تحسون اني متكفخ من جد ))
واقعد ارفع ضغطهم والعب في نفسياتهم واسبوع على هالحاله الين ما جا موعدي مع الدكتور الافندم
واروح للدكتور وادخل عليه وانا منكسره عيني ومنكسره اجنحتي ومربوط في رجلي رساله
<< حمام زاجل ذا موب ادمي
قال : ايه يا مشاكس يا حبيبي تعال استريح على الكرسي .. ما امداه يخلص قلت اخلع يا افندم ؟ ..
قال : قتك نيله يابن الايه تعالا أولي قرالك ايه ؟؟ ..
قلت : يا دكتور انا بصراحه غيرت خطتك شوي وجتني نتيجه قويه ظنك لو اني ما غيرت خطتك كان طلعت النتيجه غير هالكلام ؟ ..
قال : وغيرت فيها ايه ؟ ..
قلت : ابد بدال ما اسمعهم من ورى الباب جلست في الغرفه وسويت نفسي طاوله وسمعت كلامهم ..
قال : يابني سواء سمعت من ورى الباب او سمعتهم وانتا قوا نفس النتيجه !! .. قاطعته قلت : صادق انت ؟ ! ..
قال : ااه واللهي
وألتفت عليه .. قلت : لا لا لا تمزح انت صح ؟؟ !! ..
قال : يا بني الودان تدخل فيها المعلومه نفسيها سواء من ورى الباب ولا من قوا الغرفه ..
قلت : يابن الحلال كل تبن شايفني حمار انا ادري اني اذا سمعت او دخلت نفس النتيجه بس انا احاول العب على نفسي لا تقعد تسوي فها يافندم دكتور وانت من جنبها وقاعد تقنعني ان كلامك صح .. هذا يا دكتور لو تقوله لحمار سطرك وقالك : انا اللي اشرح لك

قال : خلاص بئه سبنا من هالحتسي ده (( قعدت اسولف معه يومين وخربته )) ..
قلت : ابد السالفه وما فيها ابوي لخبط يوم من الايام وحسب ان امي الايرانية هي امي وحملت وحطتني في سرير ما ادري كرتون وودتني عند ابوي يربيني ويتكفل بمصاريفي ..
قاطعني امك فين ؟ .. قلت : في جده يا افندم تسوي جدااايل وتجيب شغالات ايرانيات وتطلع فيز حج وعمره يعني سمساره وكوافيره بنفس الوقت

قال : وانتا حتعمل ايه ؟ .. قلت : ابد مالي قعده مع اهلي اللي موب اهلي برجع عند امي الايرانية وابقعد مع اخواني اربيهم ..
قاطعني الدكتور وقال : هايل يابني هاااايل دنتا بتفكر ..
سطرته وقلت : شايفني حمار مثلك ادري اني افكر .. وقال : حتعمل ايه بعدين ؟ .. قلت : ابد بكمل دراستي في الجامعة قسم اعلام واذا تخرجت بصير مؤلف قصص ورويات واول قصة راح ابدى فيها هي قصتي هذي .. قال : ممتاز يابني دنتا قدع وقام يرطن علي وحامت تسبدي منه ..

وقلت : اقلب وجهك بطلع خلاص تبي شي .. قال : لا بس حاسب الموظفه اللي برا ..

قلت : أي موظفه .. مضيفه يا غبي << ماسكه غلط للحين
وبعدين وش احاسب منيب معطيك شي انت اللي لك اسبوع تسدحني في هالكرسي وتسولف معي انت اللي حاسبني
طلعت وسافرت لأمي الجديده في بيتها وفتحت الباب وخميتها .. قالت : وش تبي ومين انت ؟؟ !! ..
قلت : اهااا بس لا تحديني اعلم الحاره وش انتي مسويه في مكه..
تلعثم وجهها وقلطتني وسكنت معهم بعد ما اقتنعت ان صاحب الشعر المسترسل هو ولدها وعشت عيشه بسيطه وقبل كنت عايش عيشة اغنياء وتغير علي الوضع وصاروا الايرانيات اللي في حارتنا معجبات فيني عشاني ابيض منهم ومشى سوقي ( وما فيه احلااااااااااااااا من هالعيشه ) ..


مايستفاد من الموضوع
1/ نام بكير واصحى بكير شوف الصحة شو بتصير
2/ الثعلب طول عمره مكار


3/ موب صعبة انك تربط بين المقدمة والموضوع


4/ فيه ناس اهدافها حليمة بولند .. وفيه ناس اهدافها ( سعاد حسني ) !!


4/ أبطال القصة ليسوا من الواقع بل هم من الخيال ..
(6) عالم الانترنت جزء لا يتجزء من الخيال ..
7-هالكلام كله كذب ولا تصدق ولا حرف<<<<ههع من يومك انت كذاب
والموضوع ما يحتاج تحليل وتفكير عميق .. ولا يمت للواقع بأي صلة ( لأنه حروف وكلمات فقط لا غير ) !!
<< يعني لا يجي احد ويسوي فيها ( شارلك هولمز ) ويتوه ويتوّه الناس معه !!

يلا
سلام
انتضر ردودكم =تقيماتكم
تحياتي

[شوق الورد]

مشكور

[ronaldinho]

مشكوووووور والله يعطيك الف عافيه