الستايل ودلع البنات

[عقد الماس]

--------------------------------------------------------------------------------


الستايل ودلع البنات

حتى لايكون موضوعي مملاً سأكتب مره باللغة العربيه ومره بالعاميه واتمنى ان يحوز الموضوع على رضاكم


أولا (الستايل )

ماذا عساني ان أقول وأي حروف وعبارات وجمل قادرة على ان تستوعب ما أود ان ابوح
تبدل الخير شرا والحق باطل والحياء بالجرئه... اسودت القلوب بعد بياضها واصبحت الحياة قاسية لاتستطيع فيها ان تعيش ..ماعاد دفئ القلب هو الذي يهتم به الناس ولا يبالون به أصلا بل ان المظهر الخارجي (الستايل ) هو المهم والعنصر الجذاب في شخصية ذاك الانسان ….

يعني الي اقصده الله يسلمكم انه الحين البنات يركضون ورا الشاب الي لبسه كوووووول وستايل وانيق (واااي وااي اسمله عليكم )… ياربي تلاقيه جييكر بس ما يهمهم شكله دام لبسه انيق وسيارته آخر مديل اكيد عنده فلوس وبغرقنا من فلوسه بالهدايا .. والطلعات واهم شي بييبلي رصيد وماراح اخسر انا شي كله اهو الي بدق علي اكيد خطه فواتير ..ثانيا( اظهار المفاتن)

عطر ومكياج وزينة ولبسٍ في غاية الانحطاط سيطر على بنات اليوم في بلاد الاسلام والمسلمين
الى اينما تذهب حتى في الشوارع تجدهن يتمخطرن بكل بعد للحياء والدين الاسلامي ..متجاهلين اوامر الله سبحانه وتعالى باللبس المحتشم البعيد عن كل اغراء واظهار للمفاتن.

ايييييييييييه والله حاله شنو صار بالدنيا ماادري ..المشكله انه الشاب المسكين يوقف عند الاشاره يلتفت على السياره الي يمه وشوف هذيج البنت الحلوه (انما ايييييييييه ) بشعرها المفلول ولبسها الشبه عاري وابتسامتها الساحره قاعده تطالعه بهذيج النظره الي تطيحه عدل وموبس جذي تطلع من جنطتها الحمره الحمممممره وتطالع الجامه وتحط على شفايفها ..سؤال هالمسكين الشاب شنو يصير فيه ؟؟ …
لا واذا رحت المجمعات يييييييييييي شي خيالي انت اقعد وشوف الرايحه والي راده اشكال وانواع غريبه جنك قاعد بديرة غربيه صار عادي كل شي ينلبس يرضي الله ورسوله مايرضيهم عاااادي
وهذا غير انه الحين البنات اهما الي يتحرشون بالشباب ولي شافه الشاب اخو البنت ولا ابوها او اي احد من طوايفها مع الصبي طااااح فيه زف وتكفخ والمسكين ماله شغل تقول اهو تحرش مايستحي على ويها !!!! مالت عليج انتي الي استحي على ويهج !!ثالثا(البنات المحتشمات)

بنات يلبسن اللباس المحتشم ويلتزمن بالدين الاسلامي يمشينا بكل وقار وادب لكن ايضا لايجدون من بعض الشباب الاحترام بل يشاهدون من بعضهم المعاكسات والاستهزاء بالعباة .

في شباب مايهمهم لبس البنت ولاحتى شكلها بس دام هذي بنت يلا ماكو شغل خل نستعبط فوق راسها ..يلا شباب وراها والبنت مسكينه تتصروع ماتدري شتسوي ودها تبجي والشباب ميتين من الضحك عليها ..مودري وحوش مو شباب .


انا الصراحه مع الشباب الي يقولون انه البنات اهما الي يخلونهم يتحرشون… ولاتزعلون مني ياالبنوتات ترى حتى انا بنوته مثلكم بس هذا كلام الواقع الي محد يقدر ينكره او يعترض عليه صحيح في شباب يتحرشون حتى بالمحتشمه بس الاغلبيه يحترمون البنت المحتشمه.

ارجو التفاعل مع الموضوع ولكم الحرية فيما تودون قوله اذا كان مرتبطا بالموضوع كالمعاكسات والاغراء والموضه والبعد عن الاسلام لكم الحريه في ابراز رأيكم والتحدث في مجال المعاني التي شوهت تقاليدنا وعاداتنا الاسلاميه .


ولكم مني كل الاعتذار على الاطاله (عاد اهم شي اني مامللتكم

 

[حـــد الجارح]

والله البنات مثل بعض مافي فرق بينهم

يسلمووووووووو